Хидро изолации

Hydrostop (течна гума) е специјална заптивна емулзија за ѕидови, рамни кровови, подруми, бањи, темели, базени, фонтани, балкони, и било кои други бетонски површини. Hydrostop (течна гума) е многу еластична, трајна, водоотпорна и декоративна во исто време. Може да се употребува внатре и надвор, на стари и нови површини. Идеалена е за површини со пукнатини поради својата еластичност. Се аплицира врз: малтер, цигли, натур бетон, гипс, стакло, дрво, иверица, метал и др. Може да се аплицира пред лепење на керамички плочки како и врз нив.

Филмот што го формира  Hydrostop (течна гума) е комплетно отпорен на надворешни влијанија во подолг временски период. Површините премачкани со течна гума се рамни, без споеви и фуги. Производот може да се пигментира.

• Oтпорност на атмосферски влијанија;
• Водоотпорност и водонепропустливост;
• Отпорна на температура од -35 до 80º C;
• Отпорност на пукнатини;
• Трајна еластичност.

ПРИМЕНА:

● Хидроизолација на: кровови, подови, балкони, базени, бањи, фонтани и многу повеќе.

● Поправка и реновирање на стари водоотпорни облоги, вклучувајќи ги и битуменски материјали.

● Заштита на хидроизолација на подземни делови од згради, керамички плочки, околу прозорец, оџаци, итн.

● Заштита од влага на метални површини (алуминиум, бакар, поцинковани, итн).

ВНИМАНИЕ: Не е предвиден за површини врз кој ќе се гази или ќе има постојани механички влијанија. Ако е потребно за површини врз кој ќе се гази, се заштитува со плочки, АНТИ-СЛИП, или друг заштитен слој.

НАЧИН НА НАНЕСУВАЊЕ:

1.Нанесување на хидроизолационен слој основа “ POLIGRUND” грунд
2. По сушење на основата со четка или ваљак се нанесува  Hydrostop (течна гума) – парцијално метар по метар и веднаш на првиот метар додека течната гума е мокра се поставува полиестерско платно за армирање и врз платното се нанесува уште еден слој  Hydrostop (течна гума) се додека платното целосно не биде покриено.
3.Нанесување на последен завршен слој на  Hydrostop (течна гума).

Потрошувачка: Во зависност од намената и рапавоста на површината, потрошувачката се движи: од 1кг. до 1,3кг./м2 (при рамни површини) и 1,5кг. до 2кг./м2 (при нерамни површини)

ЗА ДЕТАЛНО УПАСТВО ВИДЕТЕ ТУКА

За жал сеуште не е измислено магично средство со што само ќе премачкате од внатре и влагата ќе исчезне. Влагата може да се појави од два фактора:

Надворешен фактор- Значи продира од надвор. Пример протекување од олук, продирање преку клинкер цигла, окапници кај прозори, продирање од ќерамиди, оџаци... Треба да се најде изворот на влагата и да се елиминира патот на продорот на влагата. За да се превенира ваквиот тип на влага може да се употребат повеќе средства зависно од ситуацијата: 
Течна гума- за сите површини, се премачкува според упаства
Фасил Б или Аква Стоп -  за порозни материјали, не го менува изгледот на површината
Водоотпорен премаз- за ситни санирања
Хидромал флекс - премаз за нанесување од внатрешна страна(пред плочки или во подруми) не се остава како завршен слој.
Капиларна влага - продира од темелита од земјата. За санирање на ваков тип на влага потребно е прекопување на темелите и изолирање со битуменските изолации. Како превенција уште кога се прават темелите се додава Хидрофоб во бетонот како адитив, со што го прави бетонот водонепропусен.

Внатрешен фактор - кондезациона влага - Поради слабата изолација на површината се појавува конденз.  Треба да се изолира површината со термо изолација(не со хидроизолација). Решението го имате тука во термо изолационите производи.

Ако само премачкате од внатрешна страна, водата ќе си најде друг пат и ќе избие на друго место. Потребно е да се најде изворот на водата и да се елиминира.

Хидроизолационата трака е задолжителна. Делитации и пукнатини секогаш се јавуваат на споевите во аглите. Влагата секогаш продира низ тие пукнатини а траката тука се поставува за да ја елиминира таа опасност. Се поставува кај споевите на сите инсталации кои продираат низ подот(сифони) како и врз аглите (споевите на подот со ѕидовите).
Се постаува помеѓу првиот и вториот слој од хидроизолациониот премаз така што траката станува интегрален дел од системот. 

Мувлата се појавува поради кондезацијата а кондезацијата поради слабата изолација на површината.  Треба да се изолира површината со термо изолација(не со хидроизолација). Решението го имате тука во термо изолационите производи.

Како превентивно решение се премачкува со бојата отпорна на мувла, но откако ќе ја исчистите темелно мувлата и ќе ја изолирате површината со термо изолација да не биде ладна.

Битуменските изолации се применуваат за хидроизолација на бетонски површини како темели,надворешни ѕидови, рамни кровови, подруми, оџаци,вкопани простории и сл.

• Нанесување на Битумен:

Најпрво површината се премачкува со подлога Битулит. Битуменот во канти се топи на 180C со бренер. На исушениот основен премаз со изолаторска четка се нанесува растопената битуменска маса.

По сушењето на битуменот се заштитува со тефонд или друг вид на заштита од механички влијанија.

• Нанесување на Бимпласт:

Најпрво површината се премачкува со подлога Битулит. Кондор траката-Бимпласт се нанесува со преклоп од 10cm. Кондор траката задолжиелно се заштитува со тефонд или друг вид на заштита од механички влијанија. 

• Нанесување на цел систем

Се мачка со подлога-Битулит. Се аплицира Битуменот. Потоа се аплицира кондор траката-Бимпласт. Се заштитува со тефонд или друг вид на заштита од механички влијанија.

Убаво и ефтино ќе беше 🙂Но не е исправно. Тефондот како бубичаста фолија е заштита и дополна на претходната изолација(кондор траката и битуменот) но не е сама по себе хидроизолација. Значи тефондот се поставува како заштита, со преклоп од 10cm со ковање со специјални шајки за тефонд.

Бимизолот е битумен како ладна паста и може да се премачка без топење. Пред премачкување мора да се помине со подлогата Битулит. Погоден за брзи санации и поправки. Се нанесува во два слоја со глетарка, појачан со стаклена мрежа. Потребно е да се заштити овој слој од механички влијанија.